Monday, 19 May 2008

My words

Views

Миний үгс

Эрээнтэй бараантай энэхүү замбуулин дээр

Элдэв муу нь эрээвэр сайнаасаа олон гэдэг ч

Эрхэм анд та өнгөрсөн муу бүхнийг эс мартваас

Эгэлхэн дэлхий маань ч танд амьдрахад багадах буюу

Бурууг хийсэн бусдыг уучилж, бузрыг нь цайруулах нь буян болов чиг

Бурхан чөтгөр зэрэгцэн байдгийн адил аливаад хязгаар гэж байх ёстой

Болсон болоогүй зугаа цэнгэлээр далимдуулан бусдыг гомдоох нь нүгэл болов чиг

Буруу, зөвийн туйлыг ялган мэдрэх хариуцлага гэж хэнбугайд ч байх ёстой

Мөнгө, эд баялаг гээч нь хүн төрөлхтөн бидний чанарыг

Мөнхөд зөрчилдүүлэн сорьж байдаг ачтан ч юм шиг

Маргад эрдэнээр ч үл солим ухаант бодгалийн аз жаргалыг

Мангас мэт залгин үгүй хийж чадах золиг ч юм шиг

Хов жив, атаа хорслоор мөнгө олж амьдрагмагсад байдаг ч гэлээ

Хосгүй авъяас билгээрээ торойн гарч ирэгсэд байж л таараа та биднээс

Худал хуурмаг, бялдууч зусараар амиа аргацаамарсад байдаг ч гэсэн

Хүн чанар, хариуцлагаа ухамсарлагсад түүчээлжилж таараа бид бүхнийг

Амьдралын жанжин шугам, үнэт зүйлсээ зөв сонгосон хүмүүний хувьд

Адгийн ядуу байсан ч баяр жаргалын гэгээг бусдад цацруулдаг юм гэсэн шүү

Агуурс, эд хөрөнгийг дэлхий даахгүй болтол хураасан ч гэсэн хөөрхийсийн хувьд

Аз жаргал гэдэг үгийг мэдрэх чадваргүй болчихсон нь цөөнгүй юм гэлцдэг шүү

Бурхан биднийг хүссэн цагтаа дууддаг гэдгийг мэддэггүй хэрэг үү

Байгаль орчин, бусад нөхдөө бодож амьдармаар юм заримдаг хүмүүс

Буян заяа, бузар нүглийг дэнслэх ёстой гэдгийг ухаардаггүй хэрэг үү

Буурал өтгөс, булбарай үрсээ дээдэлж өргөмөөр юм цэвдэг нөхдүүд

Ертөнцийн түмэн эрхэс, буман од орчидын дунд

Ерөөлт дэлхий минь хичнээн жижиг бөгөөд эмзэгхэн гэдгийг мэдрээч

Ердийн биш энэхүү жижигхэн цэнхэр гариг дээр

Ер нь өөрөө ямархан өчүүхэн бөгөөд арчаагүй эгэл эс гэдгээ ойлгооч

3 comments:

gegeen said...

ta ooroo bichsen yum u

Ganzorig V. said...

Za daa, tiim gehed ichmeer l um. Gehdee yah be. Tolgoi, suul holbomor ayadsan uhaantai. kkk

Tuvshinjargal.S said...

yu bnda,.Goy shuleg bn,. bayar hurgey,. buten saind tv-r garaad bsnuu,. :)