Wednesday 11 March 2009

We will pay back a lot for everything consumed mercilessly

Views

Бид гамгүй эдэлсэн бүх зүйлстээ эргэж өндөр төлбөр төлнө

Үнэгүй бөгөөд дундарч дуусахгүй мэт сэтгэн ариг гамгүй хэрэглэж буй бүх зүйлстээ бид, бидний хойч үе маш их төлбөр төлөх болно гэдгийг энэхүү ороо бусгаа нийгэмд ойлгож буй хүмүүн заяатнууд тун ховор дог оо. Би ердөө ус, агаар гэсэн хоёрхон л жишээ авах гэсэн юм аа.

Хорь хүрэхгүй жилийн өмнө жаахан хүүхдүүд байхдаа бид гадаадын улсуудад савтай цэвэр усаа худалдаж авч уудаг гэсэн, шал тэнэг гээд л инээлдээд ярьцгаадаг байсан сан. Гэтэл одоо аминдаа арчаатай гарууд цэвэр ус худалдаж авахаасаа гадна ус шүүн цэвэрлэх төхөөрөмжгүй айл өрх бүү хэл албан газрууд ч ховор болсон байна. Дор хаяж 300 доллар байдаг ийм төхөөрөмж, дээрээс нь сар, улирал бүр шүүлтүүрийг нь солиулах ёстой. Нөгөө үнэгүй, шууд крантнаас уудаг ус хөөрхөн мөнгө зулгааж эхэлсэн байгаа биз. Хотын ойролцоох голоос шууд залгилан усыг нь уух зоригтой аавын хүү, ээжийн охин одоо байхгүй. Уурхай, үйлдвэрийн химийн бодис, дутуу цэвэрлэгдсэн бохирын усны хольцоо бүхий ус ууж бурханы оронд цагаасаа эрт очихыг хүсдэг хорвоогийн тэнэг та бидний дунд үгүй биз. Алтан бөгж, гинж зүүн бусдын анхаарлыг өөр дээрээ хэсэг татаад, гадагш зарсан алтны мөнгөөрөө хэдхэн хоног дэлбэртэл шоудаад эцэст нь “бяцхаан” өртөг үнэ бүхий цэвэр ус ууж байгаа нь бидний зол ажгуу.

Уснаас гадна үнэгүй бөгөөд хамгийн их байдаг, өдөр тутам бидний найгүй ихээр хэрэглэдэг зүйл бол агаар. Одоо бол баруун тийш 22-ын товчоо өнгөрсөн ч, хойшоогоо Хандгайт, Найрамдал өнгөрсөн нь утаанаас гарахгүй болсон байна лээ шүү дээ. Цэвэр агаарт засгийн газар болон хувь хүмүүс ямар их үнэ төлж эхэлсэнийг та бид анзаарсан уу. Засгийн газрын тайланд хэдэн арван тэрбум төгрөг агаарын бохирдлыг бууруулахын эсрэг зарцуулсан гэж дурдсан байгаа. Аминдаа арчаатай, арай нэг боломжийн айлууд нь агаар цэвэршүүлэгч, ионжуулагчтай энэ тэр гээд нижгээд нь дахиад л 200-500 долларын үнэтэй төхөөрөмжүүд гэртээ, оффистоо авч тавиад удаж буй. Дээрээс нь хэрэглэж байгаа үедээ цахилгааны мөнгөө нэмж төлнө. Нэмээд филтерийг нь сар, улирал бүр дахиад сольж байх ёстой. Уул нь энэ мэт нь илүү зардал баймаар. Салж унах гэж буй машины оронцогууд чөлөөтэй хилээр оруулж, дугуй, хаймар шатаан дулаацан, хоол цайгаа хийж идэж буй гэр хорооллын замбараагүй бодлого, удаан хөгжлөөс болж бидэнд наалдаж буй “бичигхээн ёндоо” нь ердөө л уушигны сүрьеэ, бронхит, алерги, гуурсан хоолойны өрөвсөл, сульдаа. Томхон ёндоо нь шууд бөгөөд аажуухан биднийг мэрэн идэх ҮХЭЛ. Эдгээрээс хол байя гэвэл та мөнгөө төлөх л болж дээ хонгор минь.

Энэ мэтээрээ яваад байвал таны төрсөн, дагавар, нууц, ил хүүхдүүдээс цаашлаад ач, гуч, жич, дөч гээд хэдэн үе дамжих тусам өртөг нь улам л дийлдэхгүй болох бий вий дээ Чингис агаагийн хамаатануудаа. Яахав сэтгэлээ “хүчээр өег” байлгах ганц зүйл нь тэр үед та бид тамын тогооны халуун тосон дотор ч гэсэн ядаж цэвэр ус, агаартай нөгөө ертөнцөд “идээшлэн налайж” байх буй заа. Аз болж сүнс заавал агаар амьсгалж, ус уух шаардлагагүй ч байж мэдэх юм. Тэгвэл ёстой “азны колъяа” болох биз мань мэт шиг зөвхөн өөрсдийгөө л боддог хөгийн гаруудад.

2 comments:

turuu said...

Saihan bichijee. Chingis agaagiin hamaatnuud. Tomoohon yondoo n geh met. zov sedviig ch goy olood hatgachihsan baina. Urgeljluulen bicheed baigaarai :) uye ongorooj bui uye n blog gedgiig unshij meddeggui bol shine zaluu uye n haraad taniltsaj l baig. :)

Unknown said...

Ene buhen erduu l neg uls tur gej suuliin ued bodoh bolloo. Ene agaariig, ene gol gorhi, undnii usiig bohir bailgah ni zarim negen hund ashigtai baidag bololtoi shu. Bi hamgiin gol ni economic talaas ni harah gesen yum l da. Sayahan bi "Zeitgeist Addendum" gedeg kinog DVD-geer ni haigaad oldohgui bolhoor ni net-ees download hiij uzlee l de. Uneheer gaihamshigtai sain bolson kino bailee. Er ni bol documentary kino l do. Ene kinnond yu garch baina ve gevel, unuugiin ueiin Government, Multi-national corporations, International organizations, like WorldBank and IMF, and religeous organizations like churches-iin yavuulj bui uil ajillagaa zeregt zadlan shinjilgee hiisen baigaa yum. Mungu gej yu ve? Monetarism gej yu ve? Federal reserve, Government, Commercial banks geed er ni l ediin zasgiin bolon uls turiin hariltsaand oroltsdog subject-uudiig uneheer sain shuumjilj hiisen bailee. Er ni monetarism-iin gol undes bol Money and Corruption gesen baina le. Ta nart gej helehed ter kinog yaaj iij baigaad olj uzeh heregtei kino shuu. Must see kinonuudiin neg. Herev husvel nadaas avch uzej bolhiim shuu. Bi neg l udaa uzsen, gehdee nariin philosophy-g ni oilgohiin tuld dor hayaj dahiad 2-3 udaa uzeh heregtei yumshig baigaan.
Vinzo, chamd ter kinog zun ochihooroo ugnuu. Zaaval uzeh yostoi shuu. bas Baabar-t uzuulmeer sanagdsan shuu...lol...

Anyway, sain niitlel bolson baina.

cheers,

Bayasaa