Thursday 15 April 2010

A dog without the owner

Views

Эзэнгүй нохой

Andre Kostolany гэдэг хүний нэрийг ойрмогхон анх удаа сонсоод өөрөөсөө тун чиг ичив. Мань эр хэдийгээр 1999 онд насан өөд болсон боловч санхүүгийн мэргэжилтэнгүүд энэхүү хүнийг Европын Warren Buffett гэдэг юм байна. Санхүү, хөрөнгийн зах зээлийн чадварлаг мэргэжилтэн байсан төдийгүй хэлсэн үг, ишлэлүүд нь их сонирхолтой бөгөөд алдартай юм. Нилээд хэдэн ном хэвлүүлсэн боловч ихэнх нь герман хэл дээр байдаг бололтой. Мань эрийн бүтээлүүд дундаас хамгийн их таалагдсан хэсэг нь нохой ба эзэн хоёроор зүйрлэсэн хөрөнгийн бирж буюу хувьцааны үнэ болон эдийн засгийн уялдаа холбоог тайлбарласан санаа нь байв.

Өөрөөр хэлбэл эзэн нь нохойгоо үе үе гадаа гаргаж салхилуулдаг. Хөөрхий нохой чийгтэй байшинд хоригдож байгаад гадаа гарахаараа байж ядан нааш цаашаа гүйн давхиж, эзнийхээ урд хойно нь орон тоглон нааддаг билээ. Эзэн ихэвчлэн нохойгоо уяатай хөтлөн явах агаад нохой нь уяаны уртын хэмжээнээс хэтэрч эзнээсээ холдохгүй гэсэн үг. Яг үүнтэй адилаар нааш цааш савчин эзнээ тойрон эргэлдэж буй нохойг хөрөнгийн бирж дээрх хувьцааны үнийн хэлбэлзэл, эзнийг нь тухайн улсын эдийн засаг гэж зүйрлэсэн байгаа юм. Ухаан нь нааш цааш тонгочин гүйн тоглож байгаа нохой биш уг нохойг хөтлөн буй эзэн гуай хаашаа явж буй нь хамгийн чухал гэсэн санааг гаргажээ. Гайхалтай энгийн зүйрлэл.

Монголынхоо зарим нэг компанийн байдлыг хөндлөнгөөс ажиглахад нохой хөтөлж яваа мань нөхөр угтаа уг нохойны жинхэнэ эзэн бус юм шиг харагдаад байдаг юм. Өөрөөр хэлбэл зарим компаниудын хаашаа явж буй алсын чиглэл нь тун чиг тодорхой бус, үе үе явж байсан чиглэлээ огцом өөрчлөхөөс гадна хэт ойрын зорилт, явцуу богино хугацааны ашиг дээр суурилсан. Заримдаа нохойндоо анхаарал халамж тавилгүйгээр үл барам санаатайгаар уяанаас нь алдууртал нь сул тавьж орхино. Магадгүй нохой хөтөлж яваа эзнийх нь дээр өөр нэгэн жинхэнэ босс нь үргэлж хөшигний ард байдгаас болоод нохой хөтөлж яваа хүн яг хаашаа алхаж нохойгоо салхилуулахаа мэдэхгүй үе үе бухимдаад буй мэт санагдах. Нохой болон нохойг нь салхилуулж буй хүнээ ингэж зовоож байснаас хөшигний араас өөрөө ил гарч ирээд нохойгоо үе үе эрхлүүлж байгаасай билээ.

The relation between stock exchange and economy is like a man walking his dog. The man walks slowly, the dog runs back and forth. (Andre Kostolany)

7 comments:

Frank said...

Эсвэл ерөөсөө нохойгүй байсан нь дээр ч юм шиг...

dddd said...

http://sonin.mn/2010/04/16/%D0%BC%D0%BE%D0%BD%D0%B3%D0%BE%D0%BB%D1%8B%D0%BD-%D1%82%D0%B0%D0%BB-%D0%BD%D1%83%D1%82%D0%B3%D0%B8%D0%B9%D0%B3-%D1%85%D0%B0%D1%80%D0%B0%D0%B0%D0%B4-%D0%B4%D1%83%D1%83-%D0%B0%D0%BB%D0%B4%D1%81%D0%B0/

dddd said...

Unet tsaas birj mongo geh met olon olon ner tomoyonuud baidag. bugd l bidnii zohioson zuilshuudee. odoo tuuniigee martchihaad barag l bidnees hamaaralgui baidlaar sudlah geed uzeed baidag n ooroo sonin sanagddag yum. neg ih surhii ner tomyonuud heregleed l. getel unendee mash ochuuhen yalgaatai zuils baih n mash ij baidag. minii huvid uls tor, ediin zasag hunii hogjliig l dagaj yavna gej uzdeg. hunii hogjil gedgiig bi hun baihui utga uchir mon chanaraar avch uzej baigaa yum l daa. tuunees bus deed bolovsrol gedeg ner zuusen hulgaich baihiig heleegui yum. bidnii zugees bolovsrol gedeg ner tomoyogoo ch gesen anzaarch uzmeer sanagddag bogood niitleg oilgoltiig shine helbereer tugeeh yostoi met sanagddag.

Odkhuu.B said...

харин тиймээ нохойгий нь худалдаж авмаар санагдаад байдгын хүнд ер нь нохой л их үнэнч учраас сайн халамжлах хэрэгэй л баймаар .их гоё сургамжай зүйрлэл бичиж танин мэдхүйг маань тэлж өгсөнд баярлалаа

Anonymous said...

„хэт ойрын зорилт, явцуу богино хугацааны ашиг дээр суурилсан“

Chinii helsen ene ugs chine mash ihiig helj baigaa unen ugs. Ene setgehuigees bolj chanargui uilchilgee, chanargui buteegdehuunuud mash ih uusej baigaa yum. Yumiig chanartai hiih, hudaldan avagchiddaa saihan setgegdel turuuleh geh met zuiluud deer ogt anhaaral tavidaggui. Tur zuuriin, unguzhun, too hemjeend tulguurlasan bodoltoi. Hurdhan shig huuraad ch hamaagui yaj iigeed yumaa uneteihen zarchihval tegeed l bolloo. Tuunii ur dagavar ni ireeduid yu ve gedgiig bodohgui. Delguuriinhee languun deer untaj baih yavdal bol engiin uzegdel. Tegeed barag hudaldan avagchaa zagnah ni holgui… geh met dutagdaltai uurchluh zuiluud zunduu. Humuusiin setgehui ni heveeree zagt ene bugd uurchlugduhgui. Harilzaanii soyol bolon yumiig chanartai, chin setgeleesee hiideg setgehui amjiltiin undes suuri gedgiig humuus meddeg bolj baij l ene unuudriin problemuud bagasna.

Anonymous said...

Sain bnau? Ta yagad oird bichleg nemekhgui bnaa. Zab muutai bga yumu?
Bi tani blog ruu bainga l orod uzekher shine bichleg bkhgui bolokhor timerkhu l bna kk.

Unknown said...

good article !!!