Views
Энэ сард бараг ирэх жилд уух архи, дарсныхаа хэмжээг гүйцээчих шиг болно лээ. Ёстой хавьд уулзаагүй найзуудтайгаа уулзсанаас гадна ажил, амины шугамаар нижгээд нөхөдтэй хундага тулгав. Дараа нь энэ бүхнийг эргэцүүлээд өөрийн бодож хэлсэн, бусдаас сонссон зүйлсээ тунгаавал аль алиныхаа ажил амьдралд хэрэг болох мэдээлэл, зөвлөмж бишгүй байхаас гадна өмнө нь үл ойлголцож байсан зүйлсийн учиг ч бузгай сайн олдох аж. Дотроо бодож явдаг хирнээ хэлж зүрхэлдэггүй юмсыг архи, дарс гэгч шингэн хүмүүний амнаас гаргадаг нь илт. Бие биендээ хэлье гэсэн үедээ хэлээд явахгүй, асууя гэсэн юмаа тэр дор нь асууж зүрхлэхгүй дотроо хураагаад л яваад байх. Тэгсэн хирнээ хүн гэдэг амьтан заавал архи ууж байж багаа авч ориг нүүрээ харуулдаг зан гаргадаг нь сонин. Уусан архины шил нь ярьдаг байсан бол маргааш нь ямар олон хүний нүүрийг улайтал нь ярих байсан бол гэж хааяа бодож дотроо инээдэг юм. Зарим хүн аягүй бол шууд амиа хорлоод зогсохгүй сүнс нь хүртэл дахиад “үхэх” гэж оролдож мангартах байх.
Юу хэлэх гэсэн бэ гэвэл хэтэрхий хувийн шинжтэй биш л бол ойр зуур бодож явдаг, бие биендээ хэлэх гэсэн юмаа заавал архи дарс уулгүйгээр өдөр тутмын харилцаан дээрээ нөхөр ёсоор бие биендээ хэлээд явах потенциал болон “иргэний зориг” ямар ч түвшин, зиндаа болон хүрээний хүмүүсийн хооронд байх ёстой болов уу. Чухам хальт тэгж чаддаг хэсэг хүмүүс бие биенээ найзууд гэж нэрлээд байх шиг байгаа юм. Ямар ч хүн хөөрч наргиж, хөгжилдөн цэнгэлдэлгүй л яанам билээ. Гэлээ гэхдээ ямар ч хүний хувьд эрүүл, согтуу хоёрын зөрүү болон хуурамч болон ориг нүүрний багны ялгаа нь аль болох тэг рүү тэмүүлэх ёстой гэж бодном.
Posts
5 comments:
hehe, teed eniigee oorsdoosoo ehleed heregjuuleh geed uzii l daa. bodsonoos chini myanga dahin getsuu baih vii vii vii
Hue, ter orig nuurte ni hen yum be? Bas huuramch nuurtei ni hen baina da? Nileed olon asuudliin uchigiig unuudur idsen lunch-n deer gargasan gej naidnam... wahahaha... lol
Zarim negiigee gomdoogood l.... ta nar bolioroi... wahahaha...
You know what i mean, dude!
Orig n bi l shdee.
Minii gergii dandaa l ingej ugledeg yum. Alcoholtoi yum uuchihaaraa chi uur hun bolchih yumaa geed l hehe. Ali Tsogt taij, Arslan taijiin uyees Mongol erchuud iim baisiimaa geltei ni bish. Yer ni halsan hunii ugiig ug gej emzegleh hereggui. Yalanguya Mongol erchuud.
Suuliin uguulberiig goyo helsen baina shu. Bi bas HUDS tugssun, ta manai angid hed heden udaa hicheel orj baisan. Goyo blogtoi yum baina. Ajild bolon amidarald chini sain saihniig husye.
Post a Comment