Sunday 25 January 2009

Postmodern poetry

Views

Сэтгэлийн тухай сэтгэхүйн шүлгүүд

Нэгэн сэтгүүл үзэн суутал яруу найрагч Баатарын Галсансүхийн дараах өвөрмөц постмодерн стилийн шүлэг тааралдсан юм. Сайтар ойлгохын тулд хэд дахин уншлаа. Маш ихэд таалагдав. Мөн түүнчлэн сүүлийн үед авангард зураг энэ тэр их сонирхдог болоод байгаа. Энэ одоо учир юуных вэ? Тиймэрхүү зургийг баяр баясгалантай, уйтгар гунигтай, стресстэй, айдастай гэх мэт сэтгэлийн бүхий үйл хөдлөлийн үед харахад өөр өөрөөр харагдах нь тун чиг сонин. Доорх шүлгийг уншиж ойлгоод өөртөө болон нийгэмдээ дүгнэлт хийхийг хичээгээрэй та минь.

Хашгирч хамаг сэтгэлээ нээ

Хар, цагаан дуугүй үзэн ядалтаа үзүүл

Аашаа ухаандаа уявал амгалан

Амаа сэтгэлдээ баривал алдахгүй

Мөн чанараа явдал дундаа таниул

Мөнх биш юманд бүү итгэж баяс

Үгэн дэх хорныхоо тунг бага багаар багасга

Үйл явдалд одооноос ажиглагчаар л оролц

Бясалгахдаа нүдээ нээж орчныг тань

Бяр чадал насны эцэст хэрэгтэйг сана

Жирийн зүйлээс жинхэнэ баясгаланг ол

Жигтэй бүхэн муу ёртойгоос холд

Сэтгэлээ харуулмаар бол солгой хоолойтой ч гэсэн дуул

Сэргэлэн, цоглог, эрүүл амьдрах шиг жаргал үгүй

Өөрт байгаа бүхэндээ ханаж илүүг хүсэлгүй хөгж

Өмнөө байгаа амьдралыг одооноос өөр нүдээр хар

Итгэл, найдвар гэгчийг зовлонгийн гинж гэж ойлго

Инээд, хөөр, баяр л энэ насны чинь нөхөр

Эцэст нь ганц юм хэлье: Хашгирч хамаг сэтгэлээ нээ

Эргэн тойронд чинь нам гүм болно. Энэ хариулт нь.

6 comments:

UJ said...

Сүүлийн үед Б.Галсансүх, Г.Аюурзана, Л.Өлзийтөгс нарыг сонирхон уншдаг болсон :).

Unknown said...

Dude, Galsukh bish, galsansukh biz de? lol

Vinzo said...

My bad. The name has been fixed now. He is Galsansukh indeed:)

jargaltai said...
This comment has been removed by the author.
Uunee said...

Saihan shuleg baina.

gegeen said...

ehnii 2, 3 mor ni yagaad zorchildood bnaa. gehdee ok, saihan sanagdlaa. zurh setgelee neegeed hashgirch guugachaad l yavjeeshdee, hehe. tegeed l namsaj avaad l tag, kkk