Thursday 6 December 2007

Why blog?

Views

Яагаад блог гэж?

Найзууд маань яагаад цагаа үрэн блог хөтлөөд байдаг юм бэ, зорилго чинь юу юм гэж нэг бус удаа асууж байсан юм. Гол зорилго маань хүмүүстэй мэдээлэл, мэдлэгээ хуваалцах л гэж хэлэх байна даа. Миний бараг л хобби болох гээд байгаа юм уу даа. Нэг анзаарсан зүйл бол мэдлэг, мэдээллээ хуваалцана гэдэг нь бичгийн чадвар шаарддаг. Зөв бичих, аятайхан найруулгатай бичих, бичиж байгаа юмаа мэдэх, мэдрэх, эх сурвалжийг нь баталгаажуулахын тулд өөрөө эргээд ном, интернэт ухах болдог. Өөрөө ч анзаарахгүй байдаг боловч сүүлд бодоход энэ нь надад эргээд мэдлэг, мэдээллийг өгч тархийг маань бага ч гэсэн задалж өгдөг юм шиг байгаа юм.

Хэдийгээр заримтай нь “амьдаараа” уулзаагүй ч блогоор дамжуулаад нэгээр тогтохгүй найзуудтай болсоноос гадна нижгээд хүмүүст сурсан, харсан юмнуудаараа зөвлөгөө шиг юм өгсөн байна. Монголоос ШУТИС, КТМС, Удирдлагын академийн оюутан залуучууд, Япон, АНУ, Австрали руу сургуульд явах гэж залуус, Солонгост сурч байгаа залуучууд гээд бараг арав дөхсөн хүмүүстэй интернэтээр болон биеэрээ уулзаж асуусан юманд нь чадан ядан хариулсан юм байна. Ер нь жаахан хөгширөхөөрөө багшийн ажил хийнэ гэж бодоод байгаа.

Би мундагтаа биш гол нь харсан, сурсан, судалсан юмаа бусадтай хувааж, ил гаргаж байгаад л хүмүүс надад хандсан байх. Өөрөөр хэлбэл мэдээллийн урсгал л байгаа юм. Өөрөө лаг толгойтой мөртлөө хүнд зааж сургахдаа тааруу, бүр хүсдэггүй хүмүүс байдаг шүү дээ. Зарим нэг нь бүр нийтэд гаргах ёстой мэдээллийг гаргахгүй хав дарж байгаад зөвхөн өөрийн ашиг сонирхолын төлөө ашигладаг явдал Монголд бол зөндөө шүү. Бүр зарим нь бусдын хийсэн юмыг өөрөө хийсэн, судалсан юм шиг авч өгөх юм. Зурагтаар ярихдаа хүртэл “Тэр чинь ингэдэг байхгүй юу” гэж эхлэхийг нь яана. Би ч өөрөө бусдад итгээд юм ярьж байгаад санаагаа алдаж хулгайлуулж байсан юм нэг удаа. Практик дээр ажил болгочихоод ядаж “Баярлалаа” гээд хэлчихгүй миний мессенжер дээр байнга invisible байдаг, гар утсаа авдаггүй нөхдүүд бас байна аа. Тийм ч учраас 6 билүү 7 жилийн өмнөх эдийн засгийн салбар дахь Нобелийн шагналыг яг энэ яриад байгаа мэдээллийн урсгал буюу asymmetric мэдээллийн талаар судалсан эрдэмтэд авч байсан санаж байна. Үгүй ээ ер нь, Монгол шиг жижиг оронд одоо хэнээсээ юугаа нуугаад, хүний амьдралын 100 жил ч хүрэхгүй богино амьдралд юугаа бусдаас харамлаж амьдрах вэ дээ. Гэхдээ яг өөрийн бодож сэтгэсэн юмаа хүн цаг тухайд нь үнэлүүлж, юмыг нь сонирхож байгаа этгээд нь үнэлж сурах хэрэгтэй юм шиг байгаа юм. “Ганцаараа идсэн гахай таргалдаггүй”, ”Олуулаа идвэл амттай” гэх мэт Монгол ардын маань сайхан зүйр үгнүүд байдаг шүү.

8 comments:

Хүслийнжигүүр said...

Тийшд. Блогтоо өөр олон сонирхолтой зүйлийг их бичээрэй. Амжилт шүү.
Шинэ ажил чинь дажгүй юу.

Anonymous said...

Yag asuusan asuultand mini hariu bichchihsen bna. Bi gantsaaraa gaihaagui bololtoi. Neg zuil sanal bolgoh bna. Hervee medleg, sanaa bodloo huvaaltsah zorilgotoi yum bol sedvuudee iluu todorhoi bolgood heleltsuuleg yavuulj bval yasiin. Neeree tiim bna, saihan bichij gedeg chin exchanging bish biz dee.
Eronhiidoo blog chin ih taalagdsan gedgiig huviaraa helchihsen baihaa. Za aja aja amjilt

gegeen said...

blogger-uud exchange hiideg baihaa. bur portal bolgood yum u, forum neegeed unaval blog-s arai oor oilgolt boloh baih. yamar ch baisan ganzorig andiin blog neesen undsen zorilgiig ilruulsen baina. nadad bol ganzorig andiin blog-g Internet-s olj avch chadsan ni bas dajgui ayataihan sanagdaj bn. blogdoh ni web hosting-g bodvol belen support-toi, belen CMS-teigee irdeg, bloguud bas hailtiin systemuuded burtgeltei geed l olon davuu taltai baih. bi l lav ene australia, nz-n mongolchuudiin web-g ih l olon yanzaar, urt hugatsaanii tursh haij baij olj avdag baisan, ene blog-g yagaad ch yum shuud olj chadsandaa bayartai bn shoo

Otgonbileg said...

Xooe gaxaig gantsaarang n xashij bordoj targaluuldag shdee... kekeke :-)

buree said...

medeej hereg humuust heregtei humuus bish um aa gehed naiz nart chin'. Harin medsenee huvaaltsana gedeg chin' chamaig ulam uhaalag, chamaig zadalj ugch baigaa chin' unen. Bayar hurgey. Demjij baina.

buree said...

Medeej hereg. Bodol sanalaa busadtai huvaaltsana. Harin haramlahgui baigaa chin' zuv gej bodoj baina.

Anonymous said...

Sain Ganzorigoo?
Cegctei saixan bichjee. Blogoo neeye gesen bodlyg maani ulam devergej xu'ch oruulsand talarxal ilerxiiliye. Blogoo neex gol zorilgo maani chiniixtei adil baigaa ni xachirxaltai zu'il bish yum aa. Uchir blogyeruudaas ta yaagaad ene blogiig neesen be? tegeed xamag cag zavaa u'undee zarcuulax yum gej asuuxad bu'gd l chinii xelsniig xelne shu'u dee.

Medeelel saitai sain bloguud udaan xugacaand orshin togtnood baina. Esreg toxioldold oilgomjtoi baix . . .

Blogoo neechixeed url-ee ilgeenee!

Ogi's wonderland said...

asuultiin maani hariultiig 3 jiliin umnu bichchihsen baina. sanaa neg baina u.