Tuesday, 1 July 2008

Parliament election result

Views

Парламентийн сонгуулийн үр дүн

Сонгууль дуусаад хоёр хонож байгаа ч гэсэн хэрүүл маргаан, тэмцэл хөдөлгөөн гудамжинд тасрахгүй л байна. Урьдчилсан дүнгээр бол МАХН бараг үнэмлэхүй ялалт байгуулсан байна. Ардчилсан нам цөөнх болсоноос гадна ИЗН, бие даагч, Ногоон нам гэсэн субъектуудаас тус бүр нижгээд хүмүүс гарсан юм уу даа албан бус мэдээллүүдийг харж байхад. БНН-ийн Жагаа, ИЗН-ийн төлөөллүүд, баахан болсон болоогүй бие даан нэр дэвшигч нар, Магнай, Батзандан гээд бужигнуулаад байсан нөхдүүдээс сураг үл дуулдана. Уул нь олон мандаттай тойрогт аль нэг нам, эвсэл бусдаасаа гоц ялгаатай илүү, дутуу санал авахгүй, санал тарамдаад, эвсэл байтугай эрээвэр хураавар засгийн газар бүрдээд ядаргаа болох байх гэж байсан чинь сонгуулийн урьдчилсан дүн яг эсрэгээрээ гардаг байна шүү. Үүний цаана ид шид байсан уу, их мөнгө байсан уу?

Албаар тог тасалсан, хэвлэл мэдээллийн сувгуудыг хаасан гээд үнэн худал нь мэдэгдэхгүй зүйлс ярьж бичигдэж байна. Хэрэв тийм бол ёстой гунигтай байна. Баримт байхгүй, хажууд нь байгаагүй болохоор улаан цагаан дүгнэлт хийж болохгүй байна л даа. Гэхдээ миний үеийн залуус бухимдаад, зарим нэг нь чин үнэнээсээ уурлаад мессенжерээр энэ тухай ярьж бухимдалаа тайлан, өнөө оройны цуглаанд дуудаж, энд тэндгүй Хонхны дуу эгшиглэж байхыг бодвол нэг л юм болж дээ гэсэн хар өөрийн эрхгүй төрөхөөс яанам билээ. Аль нам нь ялгаагүй цаагуураа ямар их хор найруулж, ямар их стресстсэн бол доо. Одоо ялсан нь ялсан гээд, ялагдсан нь ялагдлаа гээд энд тэндгүй салам архидаж байгаа байх гэж тааж байна. Энэ үеэр бараг хэд хоног архи зарахыг нь хоригловол таарна. Эс бөгөөд бие биенээ алах вий дээ энэ хэдэн нөхдүүд.

Лав намайг өглөө саналаа өгч байхад бараг нам болгоноос л хянагч нар камер, аппарат барьчихсан цэмцийтэл хөдөлгөөнгүй суугаад бүх явцыг хянаад, бие биендээ давхар хяналт тавьж байсан даа. Тэр гарууд одоо ажлаа хийгээгүй юм уу хаашаа юм. Чухам тэд нар чинь л энэхүү маргааныг гаргахгүй байх үүрэгтэй, нам болгоноос томилогдсон албан ёсны төлөөлөгч нар биз дээ? Сонгуулийн хэсэг болгон дээр дор хаяж иймэрхүү арваад хоолны савнууд сууж байж хяналтаа тавьж чадахгүй байгаад нь үнэхээр гайхаад барахгүй юм. Эсвэл хоорондоо тохироод, дараа нь аль нэг муриад, эсвэл аль нэг нь найдваргүй болонгууд нэг хэсэг нь биеэ үнэлээд юу юу болж болох магадлалтайг эс хэлэх үү.

Нэг бодлын амар ч юм шиг. Аль нэг тал нь үнэмлэхүй олонхи болоод үтэр түргэн шийдвэрээ гаргаад ажлаа хийгээд, хариуцлагаа үүрээд явж байвал болох гээд байгаа юм. Гэхдээ энэ нь шударга бөгөөд хариуцлагатай сонголт байвал шүү дээ. Баяр дарга сайн “менежер” юм аа. Удаа дараа сонгуулийн ажлуудыг амжилтанд хүргэж байна. Гэхдээ ингэж их хэл ам дагуулаад байгаа нь тун чиг тоогүй. Хэл ам, хэрүүл тэмцлийг нь шүүн ялгадаг, хариуцлага тооцдог, мэдээлдэг бүх сувгууд нь эрх баригч нарын гарт байгаа болохоор нэмэгдэхүүний байрыг сольсон ч нийлбэрийн чанар өөрчлөгдөхгүй гэдэг шиг энэ хэл ам ингэсгээд л дарагдах болов уу даа бараг. Ер нь бол бидэнтэй хөгжил сацуу яваа улсуудын сонгуулийн дараах үр дүн, ярьж маргаж байгаа сэдвүүд нь их нийтлэг юм. Ганцхан Монголчууд л сонгуулиа хийж чадахгүй хөгөө чирч байна гэж хэлэх ямар ч үндэслэл алга. Тэр эсэргүүцээд эцсийг нь үзэх гээд байгаа хүмүүс нь хоорондоо эвлэлдэн нэгдээд ном дүрмийн дагуу хүсэлт, шаардлагаа тавих ёстой болохоос биш бусдыг хүчээр нэгдүүлэх, зам талбай хааж, мөрөөрөө ажлаа хийгээд гэлдэрч байгаа хүмүүсийн цаг зав, халтуураа хийгээд явж байгаа жолооч нарын бензинийг үрэх хэрэггүй болов уу. Ямар ч хүн хүсэл зорилго, дур тачаал, уур ундууцалаа хаа ч хамаагүй, яаж л бол илэрхийлэх эрхтэй болов чиг хажууд байгаа хүмүүсийнхээ адилхан мэдэрч байгаа мэдрэмжинд халдаж болохгүй гэдэг үнэт зарчимаа барих ёстой. Зарим нэр дэвшигч нар маань өөрсдөө л сонгогдоогүй учир энэ сонгууль шударга бус боллоо маягийн юм ярих гээд байх шиг. Хөөрхөн ш д. Нөгөө талд нь МАХН-д саналаа өгсөн нөхдүүд гэмт хэрэг хийчихсэн юм шиг байх ёстой ч юм шиг. Байдаг юмаа бариад, барьцаалаад сонгуульд үзээд гарч чадаагүй нөхдүүд аймшигтай шатсан хиншүүг нь би бараг үнэртээд л байна. Одоо ялагдсан хүмүүс нь хоорондоо нэгдээд түр хороо байгуулна энэ тэр гээд байна. Олон мандаттай тойрогт өрсөлдөж байж анхнаасаа нэгдээд орохгүй юугаа хийсэн хогнууд аж! Муугаа мэдэхгүй баахан амбицлаад тусдаа нам, эвсэл байгуулаад байсан мөртлөө одоо болохоор ардчилалын төлөө нэгдэгтүн гээд л өөрсдөө гудамжаар дүүрэн гуйгаад гүйгээд байна. Үүний логикийг нь би ухаад сайн ойлгохгүй юм. Иодтой давс ахиу хүнсэндээ хэрэглэж эхлэхээс.

Одоо төрийн бодлогод Орос ах нарын эрх ашиг мэдэгдэхүйц орж ирэх магадлалтайгаас гадна уул уурхайн бизнест монополь байдалтай байгаад байгаа барууны зарим нэг компаниудын хулхи нь бага зэрэг буух болов уу. Арилжааны 16 банкны 4 нь Орос эзэн, захиралтай байгаа бөгөөд энэ дөрвөн банкны нийт актив, үйл ажиллагааны цар хүрээг нийлүүлээд үзвэл Монголын санхүүгийн зах зээлийг хөөрхөн хөдөлгөх чадвартай л байгаа. Зарим хүмүүс ярихнээ Хятадууд байснаас Оросууд байсан нь дээр шүү дээ гэх. За даа, миний хувьд ч үгүй гэх том шалтгаан алга. Ямар ч байсан хүн болгоны 1.500.000 төгрөгийг тараах гээд банкуудын теллер нар л нэг хэсэг аймшигтай ачаалалтай ажиллах болох нь дээ:)

Одоо ёстой хэсэг хүмүүсийн тар танигдах биз. МАХН муухай, тэнэг гээд цор цор хийдэг хэдэн нөхдүүдэд дарга, сайдын суудал өгөөд аманд сүүл үмхүүлсэн нярай шиг дуугай болгох байх. Иймэрхүү сүүл үмхэх гэсэн гарууд хоорондоо бас авалцаад, багахан хэмжээний “орон нутгийн” сонгууль болох биз. Нижгээд хүмүүс МАХН-д элсэхийг үгүйсгэхгүй. Хэдэн төгөлдөршилүүдийн үр дүнг л бүгдээрээ дөрвөн жилийн дараа л харж дүгнэх л үлдлээ дээ. Бие бие рүүгээ мэс далайлгүй байж, хааяа ч гэсэн хүний үнэр, нинжин сэтгэл гаргаж улсаа удирдан, бага л идэж уугаасай билээ төрийн түшээд минь. Иймэрхүү сэдвээр бичихэд үнэхээр миний “кругозор” хүрэхгүй юм байна. Хэн ч билээ нэг хүн хэлсэн юм гэсэн. Хүнтэй эвтэй байя гэвэл секс, шашин, улс төрийн талаар хэзээ ч битгий ярьж бай гэж. Хүмүүстэй муудалцахаасаа өмнө ингэсгээд дуусгая даа:)

6 comments:

батхүү said...

миний бодлоор бол шударга бус л болох шиг боллоо
заза муудалцмааргүй байгаа тул өөр сээгий бичихээ болилоо хэхэ

Ganzorig V. said...

Shit, sanasnaas ch doloon dor um bolj bna shuu dee. 5 hun nas barsan geed BBC-n website deer bichsen bna. Muu yrlood bsan um shig yg uchigdur udur bitgii boloosoi gej bodood blog deeree bichsen buh zuils oroi n boldog bna shuu. Ene bol baij boloshgui zuil!

tuvshu said...

Hedhen ard tumnii neriig barij alban tushaal gorilogch naraas bolood Mongol ulsiin tusgaar togtnol ganhah deeree tulsan haramsaltai yum boljee,.Neg yumiig oilgohgui yum,.MAXH olonhiin sanal avahaar songuuli budilaantai boldog yum bhda,. MAXH ug ni hiisen yumtai heleh ugtei nam. 39 onii helmegduulelt, socialist sistem, neg namiin daranguilal gj buruutgaad bga yum,. tiimee,.ene bugd tuuhiin har tolbo bsn,.Gevch 1919 onii mongolchuudad Mongol Ardiin namaa baiguulj, Soviet-n Bolszwikuudaas demjileg avch baij l tusgaar togtnoloo olj avah gants zam bsn,.Ikh gurnii noloogoor MAXH-n shildeg leaderuud amia aldaj bsn,.Ene namiin gishuud udirdagchid, jiriin gishuud helmegdej bsn,.Ekh orniihoo toloo daind altan amia orgoj bsn,.ene buhniig martaj hii tuulshirmaargui l bga yum,. 21 ond huvisgal yalah uyd 600 orchim myangan hun amtai, erchuudiin diilenh ni lam huvrag, bichig useggui,.hun amiin ihenh ni tembuutei,.tiim l baidlaas 1990 ond ardchilald, ardchilsan huvisgald Ekh ornoo huleelgej ogson nam,.Ardchilsan huvisgal taivan zamaar yalahad ene l namiin udirdlaguud gol uureg guitsetgesn,. 92 onii Undsen huuliig ene l namiin gishuud olonh bolj bataltstsagaasn bailtai,. tiimee ali ch namd uls tor hiij showdaj bgaad zavshih gsn butelgui nohduud bii,.chuhamdaa tiim humuus l bs 1939 ond nam toriin bodlogiig guivuulj ehnertn sanaarhangaa, nohriig ni helmegduulj bsn bh,.odoo ene ard tumnii ner bariad uimeen degdeegeed bgaa nohduud tednees yalgaa yu bga yum,. hehe,.nileed buhimdchihlaa,.yorn bol hedhen say mongolchuud evtei l bsn n deer dee,. manaih shig yorn het ardchilaltai oron haana bgaa yum be,. durtai uydee humuus tsugluulj busdiin omch horong, biy mah bodiruu dairaad l ,.

munguu said...

hi
saihan bichsen bna. Chi er ni setguulch bolohod bolohgui geh yum alga shuu. Bas zonch bolmoor ch yumuu Hoorhon shd

Erkhembayar said...

Harin songuuliin dun sonsood neg l uramgui baisan yum. Haymraad l za ingehed er ni Mongold amidrah uu yahav deeree tulaad baisan chin yag aimaar yum boldog baina sht. 2 dahi odriin ogloo minii ergen toirond mash ih buhimdsan humuus baisan. Hamgiin haramsaltai ni hohirogchid ni jiriin ard tumen

Anonymous said...

Если кому интересно, лучший способ обезопасить человека от слежки - задействовать Подавитель сотовых