Tuesday 28 October 2008

Hiking

Views

Ууланд авирч эхлэв

Нэгэн үлгэр мессенжерээр ирж байсан. Эд хөрөнгө, нэр алдар, эрүүл мэнд гурваас аль нэгийг нь сонгож авна уу гэж ид шидтэн хэлэхэд нэгэн хүү эрүүл мэндийг нь сонгож гэнэ. Гэтэл дээрх гурван зүйл гурвуулаа хүрээд иржээ. Ийм олон “юм захиалаагүй” гэтэл ид шидтэн маань эд хөрөнгө, нэр алдар хоёр үргэлж эрүүл мэндийг дагалдаж явдаг юм аа гэсэн гэдэг.

Байнгын суугаа ажилтай мань мэтийн хүмүүст хөдөлгөөн, биеийн тамир гэдэг бол ус, агаар мэт хэрэгтэй гэдгийг нь ойлгодог хэдий ч хангалттай цаг, зав гардаггүйн улмаас тэр болгон тогтмол дасгал хийж чаддаггүй. Тэрнээсээ болоод хүзүү мөр шохойжиж байна ч гэх шиг сонин сонин юм эмч нар хэлж “дургүй” хүргээд. Орчлон клубын бассейнд нь хоёр сар явах гэж оролдоод мөнгөө төлсөн ч нэг сар л явж чадсан байх. Сагс, хөлбөмбөг гэхээр бие биеэ гэмтээчих гээд заримдаа их төвөгтэй байгаад байдаг юм.

Хоёр долоо хоногийн өмнөөс эхлээд хэсэг найзууд, танилуудтайгаа амралтын өдрөөр уул руу тогтмол авирч эхлээд байгаа. Их таалагдаж байгаа. Мацаж мацаж уулын орой дээр гараад утаан Улаанбаатараа тольдон харж, цэнгэг агаараар цээжээ дүүргэх нь бас нэгэн жаргал юм аа. Дараа нь гэртээ очоод шүршүүрт ороод, хоолоо идэхэд л өөрийн эрхгүй нойр хүрч нам сайхан унтах нь бас их жаргалтай.

Харин уулын тусгай хувцаснууд болох салхи нэвтэрдэггүй, хөлс гадагшлуулдаг өмд, цамц, малгайгаас гадна тусгай зориулалтын таяг авах ёстой юм билээ. Эрүүл мэндийнхээ төлөө нэг дорвитойхон хөрөнгө оруулалт хийж, ийм хувцас авч өмсөнө гэж шийдээд байгаа.

Ууланд авирдаг багийнхан маань долоо долоо хоногоор ээлжлэн хийн плитка авч явж, ориг кофе уулан дээр, ойн цоорхойд чанаж ууж байя гэж тохироод байгаа. Уулан дээр, ой модон дундуур цэнгэг агаараар амьсгалж, шинэхэн цасан дээр мөрөө гарган явж, нам гүм, дүн аниргүйд юм бодон суухаас гадна найзуудтайгаа бувар бувар хэмээн ярилцан суух хичнээн сайхан гээч. Яваа яваандаа бидний баг улам өргөжин олон хүмүүс болно гэдэгт их итгэлтэй байгаа.

5 comments:

Anonymous said...

3 dah zuragan deer bi baina u ugui yu? lol...

hiking gedeg chin fun yum bailee...

Tuvshinjargal.S said...

cool,.

@ngarag said...

Hiking ch saiahn shuu.
Uul ene ter uuduu ugsuugui 2ch jil boltson bna shde. hamgiin suuld Darigangaar neg avirsan gejiigaa... hehe... muu nutgaa sanachihlaa bna.

Anonymous said...

Hiking uneheer saihan yum bna lee. Bi 1 l udaa yavsan. Omno ni bol naizuudtaigaa jildee 1-2 udaa l yavdag baisan. Odoo bol hiking clubdaa idevhitei yavna gej bodoj baigaa. Naizaa iishee orood uzeerei. http://www.mongolhiking.org/
Bidentei negdvel ih bayartai baih bolno shuu. Officeiin suugaa ajiltai humuust uneheeriin l heregtei, saihan sanagdsan. Bayarlalaa. Amjilt husye.

Munkhbayar said...

сайхан юм аа амралтын өдрийг ингэж өнгөрөөвөл бас хэрэгтэй л байх даа. дараа дагуулаад яваарай :)