Tuesday 15 July 2008

Bull shit

Views

Бухын баас

Наадмын яг өмнөх өдөр оффисынхоо өрөөний хаалганы гадна, дотно талд энэхүү sign буюу зургийг наалаа. Миний өрөөнд худлаа ярих, хов жив тараах, хоёр нүүр гаргах гэх мэт ёс суртахуунгүй, бизнесийн болон хувийн этикгүй зан, авир, хандлага гаргахыг хатуу хориглоно гэсэн ухаантай. Миний өрөөнөөс гарвал энэ бүхнийг хийж болно гэсэн үг бас биш шүү гэж. Хүний үгийг мушгих “дуртай” нөхдүүд байдаг тул нэмж энэхүү тайлбарыг хэлж байна. Энэхүү тэмдэг маань надад ч бас хамаатай. Өнөөдөр хийнэ гэсэн ажлаа маргааш хийх, бүр долоо хоногоор хойшлуулах, уулзана гэж байсан хүмүүстэйгээ уулзаж амжихгүй явах зэргээр би ч бас өөрөө өөртөө худлаа ярьж, өөрийгөө хуурч яваад байгаа юм золиг чинь. Энэхүү зангуудаа өөрөөсөө эхлээд өрөөл хүртэл засъюу л гэсэн юм. Мэдээж хаалган дээрээ ганц зураг хадангуут л бүх юм засрана гэж юу байх вэ. Гэхдээ энэ бол эхлэл, энэ бол болохгүй байгаа юмаа болгох гэж байгаа хариу үйлдэл. Болдогсон бол энэ зургийг бүх төрийн байгууллагын дарга нарын үүдэн дээр нь нүүр рүү нь харуулаад хадчих юмсан. Мөн ширэн нүүрлээд худлаа яриад яваад байдаг гаруудын зүрхэн дээр нь сийлчих юмсан гэсэн аймшигтэй эктрем бодол хааяа нэг зурсхийх.

Ер нь бол байна шүү дээ, би бодоод байдаг юм. Ямар ч хүн өөрөө өөртөө худлаа ярихаа болисон цагтаа л хүмүүсийг битгий худлаа яриад байгаач гэж шаардах эрхтэй гэж. Түүнтэй адилхан гэр орон, албан тасалгаандаа цэвэрхэн тохилог суудаг болсоныхоо дараа л гудамж, орцныхоо ариун цэвэрт анхаарлаа хандуулж эхэлдэг болов уу даа ихэнх хүмүүсийн хувьд. Гэр орондоо, оффис дээрээ хог, нус, цэр, өмхий самхайгаар дүүрсэн гудамжтай адилхан заваан, балиар амьдардаг, суудаг хүмүүс л гудамжинд эрээ цээргүй нус, цэр гэх мэт байж болох хүний нүх сүвнээс гаргадаг бүх юмаа “цуглуулж цуглуулж” гаргаж хаядаг байх. Гэр орон нь сайхан бол тэр хүн чинь ойр орчмын гудамжиндаа эрхбиш анхаарал тавих байлгүй дээ. Өөрөөр хэлбэл нүүр энэ тэр дээр нь юм гарахаар хүмүүс тос, түрхэлгэ түрхээд гадна талаас нь “нялаад” байдаг бол эмч нар дотор эрхтэнээ эхэлж үзүүлж эмчил гэж зөвлөдөгтэй адилхан аливаа асуудал, болохгүй байгаа юмыг бид өөрсдөөсөө буюу дотроосоо эхэлж хайж байвал хувийн ч бай, хувьсгалын ч бай аливаа ажлын хувьд эерэг үр дүн гарахад арай дөхөмтэй юм уу даа. Нас намба суугаад өр зөөлөн болоод бусдын гэмийг уучлаад ч байгаа юм биш шүү ард түмээн. Өөрийнхөө толгой дээрх томоос том өмхий үнэртэй “бухын баас”-ыг харахгүй, тэрийгээ цэвэрлэж чадахгүй байж өрөөлийн толгой дээрх “бичигхээн хөөтэй халтар хотын болжмор”-ыг хараад элдэв зан гаргаад байдаг хүмүүс юу эс мундах аж.

No more bull shit human units!

9 comments:

бж said...

Hehe, taalagdlaa ene zurag chini. Yum bodogduulj bainaa.
Yadaj uurtuu hudal helehgui baina gedeg tom yum shuu. Zarimdaa yah argagui l bodson tuluvlusun yumaa tsagt ni amjuulj chadahgui ue garah yum. Tegeed l neg l hoishluulchihaar dahiad l urgeljeed l, za yahav tegj baigaad neg amjuulna daa geh tuvshind hurtel ochih tohioldol baih yumaa.
Huviin uhamsaraa deeshluulehed uurtuu undur shaardlaga tavij, bieluulj surah hamgiin chuhal tom alham yum shig.
Yutai ch amjilt huseye. Mongol zaluus maani bugd iim bodoltoi boloh boltugai...

Anonymous said...

saihan heljee
er ni tiim garuud ih shuu

chi deer ajlaa zohitsuulj bgaad irehgui

Anonymous said...

Bi ch naadag yumu ene zurgiig, uuruusuu ehleh...

gegeen said...

hehe, iim ondor shaardlaga tavidag, yos surtahuunii ondor tovshind ochson humuusees busad ni surdej magadgui l baih shoo

Anonymous said...

Ene chin harin avuushtai yum baina. Bi naadag yum biluu gej bodloo. Todorhoi hemjeegeer nadad ch bas oorchlolt avchirah baihaa, bas manai oroonihond.bayarllaa

Anonymous said...

Ene chin harin avuushtai yum baina. Bi naadag yum biluu gej bodloo. Todorhoi hemjeegeer nadad ch bas oorchlolt avchirah baihaa, bas manai oroonihond.bayarllaa

Anonymous said...

Ene chin harin avuushtai yum baina. Bi naadag yum biluu gej bodloo. Todorhoi hemjeegeer nadad ch bas oorchlolt avchirah baihaa, bas manai oroonihond.bayarllaa

Anonymous said...

Ene chin harin avuushtai yum baina. Bi naadag yum biluu gej bodloo. Todorhoi hemjeegeer nadad ch bas oorchlolt avchirah baihaa, bas manai oroonihond.bayarllaa

Anonymous said...

Goyo helsen shuu, soyolgui buduuleg garuud uurtuu negiig bodoh bailgui