Thursday, 17 December 2009

All children’s dream may come true!

Views


Хүүхэд бүр жаргалтай байг!

Шинэ жил гээд Монголд маань бужигнаж байгаа бололтой. Шил шилээ дарсан тансаг үдэшлэг цэнгүүнүүдээс гадна бараг байшин бүрийн орц болгон, давхар болгон “оны шилдэг”-үүдээ шалгаруулах гээд байх шиг. Бие биендээ өгөх урам зориг, шагнал урамшуулал байлгүй яах вэ. Харин энэхүү их эрч хүч бүхий энерги, хөрөнгө мөнгөний өчүүхэн хэсгийг (тансаг ресторанд нэг шил шар айраг авах мөнгөөр эдгээр бяцхан, өрөвдөлтэй үрсэд хөөрхөн бэлэг аваад өгөх боломжтой) хүүхдүүдэд, тэр дундаа хөгжлийн бэрхшээлтэй хүүхдүүдэд зориулбал ямар вэ гэж та бүхэнд уриалж, та бүхнээс гуйж байна. Энэхүү санаачлагыг их сургуулийн багш маань санаачлан эхэлж дараах цахим захидлыг надад илгээжээ. Та бүхэн дараах хаягаар нь холбогдоод буян үйлдвэл их олон хүнийг баярлуулна гэдэгт итгэлтэй байна. Энэ олон хүний баярласан сэтгэл оны ямар ч “шилдэг” гэсэн тодотголтой шагналуудаас илүүтэйгээр таны зүрх сэтгэлд хүрэх болно гэж бас бодож байна.

Сайн байцгаана уу! Удахгүй болох Шинэ оны мэнд хүргэе!

Ирэх жилийн ажилд нь амжилт хүсээд хүүхэд баярлуулах буянтай үйлсэд та бүхнийг тус нэмэр болохыг чин сэтгэлээсээ хүсье. Нийгмээс тусгаарлагдаж, өвчиндөө шаналж, хайр энэрэл хүссэн Хөгжлийн бэрхшээлтэй хүүхдүүдэд Шинэ жилийн бэлэг цуглуулах ажилд хувь нэмрээ оруулна уу. Хөгжлийн бэрхшээлтэй хүүхдийн эцэг эхийн холбоо (ХБХЭЭХ) уг ажлыг зохион байгуулж байгаа боловч өөрсдийн хөрөнгийн эх үүсвэргүй учир та бидэнд хандаж байна. Ихэнх хөгжлийн бэрхшээлтэй хүүхдүүд гэртээ байдаг ба гэр бүл нь ядуу, эмзэг бүлэгт хамаарагддаг. Шинэ жилийн баяр бол эдгээр хүүхдүүдийн маш том хүсэн хүлээсэн баяр билээ.

Уг холбоонд УБ хотын 300 гаруй хүүхэд бүртгэлтэй байдаг бөгөөд та бидний өгөх бэлэг бүр хүүхэд бүхэнд сэтгэлийн маш том дэм, гэрэл гэгээ болон очих билээ. ХБХЭЭХ-ны тэргүүн Мөнхдэлгэртэй холбогдож хандивын тухай мэдээлэл өгнө үү. Мөн би найз нар болон таньдаг хүмүүсдээ илгээж байгаа учир надад мэдэгдсэн ч болно.

Холбогдох: Мөнхдэлгэр - 9919-3248, email: apdc@mongol.net (APDC - Association of Parents with Disabled Children).

Бэлэг авч өгөх нь төвөгтэй байвал эцэг эхийн холбоо мөнгийг нь цуглуулаад бэлэг авах ажил зохион байгуулна.

Банк- ХХБ 3-р төв, Данс: 453064275; ХХБХЭЭХ

Таны баярлуулах хүүхэд нэг ч байсан хамаагүй, сэтгэлээсээ өгч буй бүхэн үнэтэй билээ. Нэр, холбоо барих утас, имэйл, хандивийн хэлбэр (шууд бэлгийг нь өөрөө авч өгөх ба бусад), бэлэн мөнгө бол мөнгөний дүн гэсэн мэдээллийг бөглөөд apdc@mongol.net болон samgei1001@yahoo.com руу илгээнэ үү!

Жич: би төсөл дээр ажиллаж байхдаа уг холбоотой хамтарч ажиллаж байсан учир итгэл найдвартайтай гэдгийг нь 100% батлана. Уг холбоо бэлэг цуглуулах, түгээх ажлыг баталгаажуулан тайлагнах болно.

Хүндэтгэсэн
Б.Хишигбаяр

3 comments:

итгэл нь байнөө said...

saikhan sanaachlaga bna

Anonymous said...

Уул нь арай нэгдсэн зохион байгуулалттай хийвэл илүү үр дүнтэй санагдах юм. Ингэж хувь хүмүүсээс гуйлга маягийн юм хийгээд олигтой юм цуглахгүй. Мэдээлэл тэхнологийн салбарыг ашиглаж хандиваа цуглуулвал зүгээр санагдах юм.

Vinzo said...

Boloroo, Unigaz-n hamt olon mash ih bayarlalaa! Mun olon hun bayarlalaa gej damjulaarai gej nadad zahisan shuu!
Umnii jijig n amttai bdag gedeg shig tsomhon hureend zohion bguulah gej oroldson humuusiin ajild n tus bolson ta buhend dahin bayarlalaa!